Записнїк зоз XVI схадзки Вивершного одбору од 26. октобра 2009. року

[kiki]

З А П И С Н Ї К

   Зоз XVI схадзки Вивершного одбору хтора отримана 26. октобра 2009. року зоз початком на 19,00 годзин.
   Присутни: Мирослав М. Цирба, Зденко Лазор, Мирослав Папданко, Златко Манько, Юлиян Ковач, Деян Бобаль, Славко Цупер.
   Тиж присутни: Наташа Папданко, Ивана Сечевич, Иґор Надь ( МО Бачинци ), уч. Златка Сивч – Здравич, Наташа Цирба, Венямин Бульчик, Желько Надь (МО Бикич).

   Дньови шор:
1.   Звит зоз литературного вечара у Бикичу
2.   Пририхтованє за рочни концерт
3.   Пририхтованє за 90-рочнїцу роботи Дружтва
4.   Виберанє делаґациї за схадзку у Дюрдьове коло вибору нового Националного совиту Русанцох
5.   Рижне

1.   Звит зоз литературного вечара у Бикичу

Звит зоз литературного вечара поднєсол Мирослав М. Цирба:

У рамикох означованя 100-тей рочнїци од народзеня Михала Ковача, у Бикичу зме 24. октобра того року отримали литературни вечар у полней сали – учальнї школи у Бикичу. Литературни вечар орґанизовани вєдно зоз секциями у Бикичу и Бачинцох. Публики представени видео колаж зоз емисию о Михалови Ковачови, хтору у Радио Шиду порихтал Венямин Бульчик на основи архивских знїмкох зоз литературного вечара хтори отримани з нагоди 90-тей рочнїци од народзеня Михала Ковача. Видео колаж порихтал Мирослав М. Цирба. Писнї Михала Ковача читали: Зденко Лазор, Саня Тиркайло, Наташа Цирба, а драмску сличку виведли нашо члени зоз Бачинцох под руководством уч. Славици Видович. Любица Роман публики рецитовала писню хтору ю Михал Ковач научел ище у першей класи. Цалу технїцку орґанизацию поробел МО Бикич. Литературни вечар бул барз удатни.
Заключеня:
Остава ище же би ше злєпшал видео колаж и же би ше записали писнї од Любици Роман. За Бачинци и Шид остава иста концепция програми, з тим же уч. Златка Сивч – Здравич порихта єдну ґрупу, направиц флаєри на сербским язику, а Зденко Лазор преложи на сербски язик текст о Ковачови.
Литературни вечар у Бачинцох будзе 4. новембра 2009. року у школи на 19,00 годзин.
Превоз за Бачинци: Мирослав М. Цирба, Мирослав Папданко, Юлиян Ковач, Славко Цупер.
Технїцка орґанизация вечара: МО Бачинци.
Поволац и Ирину Папуґову на тото стретнуце.
   Тота рочнїца нагода же би ше почали брац кнїжки на руским язику зоз библиотеки ''Симеон Пищевич''.

2.   Пририхтованє за рочни концерт

Закључења:
-   рочни концерт отримаме 4. децембра 2009. року у Бикичу з нагоди Дня ошлєбодзеня Бикичу

-   наступя старша група Шид, Беркасов и Бикич, литерарна и рецитаторска секция, шпивацка ґрупа
-   госци
-   познєйше направиме подробну програму

3.   Пририхтованє за 90-рочнїцу роботи Дружтва

Заключеня:

-   2010. рок будзе пошвецени 90-тей рочнїци роботи Дружтва и то през цали рок
-   З нагоди Дня Руснацох 17. януара отримаме концерт зоз програму од 4. децембра, и з тим отвориме преславу 90-тей рочнїци Дружтва
-   Шицки подїї у 2010. року буду у рамикох 90-тей рочнїци ( руски бал, смотра дзецинских представох у Бачинцох, литерарни вечари, округли столи, фестивал )
-   Треба додзельовац плакети и подзекованя
-   Централна святочносц будзе у децембру 2010. року
-   Руски бал будзе першу соботу у фебруару 2010. року
-   Учителє треба же би порихтали дзеци за смотру у Бачинцох
-   Зденко Лазор будзе задлужени за пририхтованє вистави вєдно зоз школярами хтори виучую руски язик
-   Технїцка орґанизация смотри у Бачинцох: МО Бачинци

4.   Виберанє делаґациї за схадзку у Дюрдьове коло вибору нового Националного совиту Русанцох

Делеґация: Мирослав М. Цирба, Мирослав Папданко, Юлиян Ковач ( лєм штварток и собота ), Славко Цупер ( пияток ), Иґор Надь ( пияток / собота ).
   Заключене же Дружтво потримує електорску систему.

5.   Рижне

Заключене же члени Вивершного одбору даю по 300 динари кажди, за дзеци хтори нє маю пенєжи же би направели пасоши.

Закончене на 20,00 годзин.