У Ужгородзе ше русини стретли зоз прешим секретаром амбасади Францускей
http://www.ua-reporter.com/novosti/58909 Подкарпатє/Ужгород 10.07.2009
У Ужгородзе окончене стретнуце представительох русинских орґанизацийох Закарпатя зоз прешим секретаром амбасади Францускей Ґийомом Наржолеом.
Русински бок представяли предсидатель Народней Ради Русинох Закарпатя Е. Жупан, члени президиюма отец С. Сич, Н. Староста, В. Биланин, С. Ґанькович, И. Палїнкаш, С. Савчук, а тиж и предсидатель здруженя "Александер Духнович" М. Алмаши. Орґанизатор стретнуца бул Н. Староста котри у Народней Ради Русинох Закарпатя задлужени за информованє.
Стретнуце було орґанизоване на инициятиву Францускей амбасади у України. На тим стретнуцу виступели шицки учаснїци и представели рижни напрями русинского руху, виражени шицки аспекти проблемох русинох у України
Шицки питаня котри поставени на тим стретнуцу пан Наржоле прешлїдзи на розпатранє до шицких шветових орґанизацийох котрим судьба русинского народу нє нєпозната. Стретнуце мало окремне значенє и пре то же баш Француска согласно зоз Сен-Жерменским мировним спорозуменьом (1919. року) була ґарант державносци Подкарпатскей Руси. Теди, 10. септембра 1919. року Подкарпатска Рус вошла до составу Чехословацкей републики зоз шицкима правами автономиї.
Основни лайтмотив, виступаня пана Наржолеа було то же нє може розумиц позициї українских власцох, пре цо Україна нє сце припознац русинох.
