З А П И С Н Ї К
[/b]
Зоз схадзки представнїкох нашого Дружтва и Матки - Дружтва Руснацох Нового Саду – Войводини хтора отримана 16. юния 2009. року у Новим Саду зоз початком на 19,00 годзин.
Присутни спред Дружтва: Мирослав М. Цирба, Мирон Джуджар и Славко Цупер.
Присутни спред Матки: Ярослав Сабол, Миломир Шайтош, Яким Гаргаї и Анита Говля.
1.Фестивал руских народних оркестрох ''Мелодиї Руского двору''Ярослав Сабол – на паперу маме 80.000 динари, алє питанє чи и тоти средства достанєме, бо ше ММФ проциви видвойованю средствох за културу, Влада Републики Сербиї глєдала од ММФ-у же би ше дошлєбодзел дефицит у буджету, Боян Пайтич тиж нє зна чи будзе средства за културу. ''Сербия-ґаз'' би спонзоровала зоз 24.000 динари, а Город Нови Сад за проєкти Матки видвоєл 129.000 динари, алє средства нє уплацел, гоч подписани контракт. ТВ Войводина дава 4 рефлектори за ошвиценє, Биґ-бул спонзорує 50 % меса. Потребне ше порадзиц зоз КОЦ-ом коло озвученя. Остава питанє чи ризиковац та тераз направиц фестивал, чи го одложиц за септембер.
Мирон Джуджар – проблем бина, бо гевта од прешлого року подла.
Мирослав М. Цирба – бина обеспечена у Спортским центру Шид, лєм же бина нє ма часц за сценоґрафию, так же би зме ту требали здумац як положиц сценоґрафию, чи прейґ скели чи би було без сценоґрафиї. Сценоґрафия хтора була прешлого року нє може будз и того року, бо СКУД ''Єднота'' вецей нє ма гевто платно, так же мушиме дацо друге здумац. ТП ''Центропромет'' будзе спонзоровац зоз 5.000 динари. Ґоран Жилич обецал безплатне озвученє за фестивал. Предклада же би фестивал бул у септембру того року.
Заключеня:
-фестивал будзе 5. септембра 2009. року
-ошвиценє обеспечує РТВ
-озвученє достанєме од КОЦ-у односно од Ґорана Жилича
-Биґ-бул спонзорує 50 % меса
-ТП Центропромет спонзорує зоз 5.000 динари
-Матка доручи дописи шицким нашим дружтвом о одлкаданю фестивала
-на фестивалу можеме сиґурно обчековац орекстри зоз: Шиду ( 3 ), Нового Орахова, Нового Саду, Вербасу, Дюрдьова, Коцура
-поволац Петровци и Осиєк
-пропозициї: 2 инструментали и 2 зоз шпиваньом, а у случаю кед ше прияви векше число, зменшаме репертоар
-оркестри шлєбодни у вибору нумерох зоз хторима наступя, а од идуцого року би зме могли започац зоз реализацию идеї же би фестивал бул пошвецени шицким обласцом у хторих жию Руснаци
-композициї зоз хторима ше руски оркестри представя муша будз руски шпиванки зоз подруча Войводини
-Шпивацка ґрупа РКПД-а Нови Сад наступи у ревиялней часци
-На конкурсох за фестивал на далєй будзе конкуровац лєм Дружтво, а Матка то будзе потримовац и лобирац у Националним совиту
2.Реакция на одлуку Националного совиту Руснацох о розподзельованю средствох по конкурсу Сектретарията за управу, предписаня и национални меншиниЯрослав Сабол – информовал же Национални совит Руснацох за порядну дїялносц Дружтва предложел лєм 50.000 динари, док зме одбити за опрему и програмску дїялносц. Йоаким Рац Мими бул найгласнєйши же би Шид цо менєй достал, у смислу же Шидяном нє требаю средства и же тот цо Шидянє робя нє потрбне рускей заєднїци, ту думал на фестивал.
Мирослав М. Цирба – нєсподзивани є зоз реакцию Националного совиту Руснацох, а окреме Мимия, дума же така реакция прето же зме анґажовали Миломира Шайтоша за кореоґрафа, гоч Мимия нїхто нє одогнал, алє сам Мими гварел же того року нє може робиц з нами. Тото забруґуюце и Дружтво напише допис до Секретарияту у вязи справованя Националного совиту Руснацох. Було би добре кед би и Матка то потримала.
Миломир Шайтош – очиглядне же Керестурци на далєй отворено нє любя Сримцох, цо историйне и тирваце, пре зависц и вше ше Керестур будзе процивиц гевтому цо Шид будзе робиц.
Ярослав Сабол – предклада же би зме после фестивалу поволали шицки нашо дружтва же би зме побешедовали коло того чи нашо дружтва потримую фестивал у Шиду. Склада ше же потребна реакция до покраїни пре справованє Националного совиту. Вон напише текст, а вец нам пошлє мейлом на розпатранє.
Заключеня:-послац заєднїцки допис о фестивалу до АПВ зоз акцентом же тот фестивал ма мултиетнични карактер
-Дружтво предложи систему розподзельованя средствох по конкурсох АПВ, а Ярослав Сабол формално предложи Националному совиту, почац зоз лобираньом по наших дружтвох
-Потребна нам дефинована система финансованя и розподзельованя средствох
Закончене на 21,00 годзин.
