Юлиян Ковач задзековал на шицки функциї у Дружтве

[kiki]

                                                                                  КПД «ДЮРА КИШ»
                                                                                              Ш И Д      

ЗАДЗЕКОВАНЄ

Почитовани члени друштва,

Скоро 30 роки сом симпатизер того нашого културно просвитного друштва, а остатнї 15 роки и активни учашнїк у векшини збуваньох у самим друштве и коло друштва.
                                                                                                                             
        У истим периодзе нє таки мали час бул сом и активни у наших Руских буджетских институцийох як цо то Национални Совит и Руске Слово, а поштредно упознал и Завод за културу войводянских Руснацох. Hайвекши хасен от того же сом упознал шицку биду  наших руских буджетских институцийох и шицку биду поєдинцох цо творя тоти институциї. Поєдинцох цо нє маю свойо статовиско лєбо го за єдєн дзєнь пременя за 180 степени у зависносци от того кельо от того маю особного хасну. Поєдинцох хтори су тельо Руснаци кельо  зоз того свойого руснацтва можу вицахну свой особни себични материялни интерес. То професионални Руснаци лєбо Руснаци по професиї.                           
        Могол бим навесц вельо приклади алє да вам нє будзем допити наведзем лєм нйшвижейши. Док ше ми шицки аматере у шицких КУД-ох у Войводини трапиме и трошиме свойо часи, свою енергию па аж и свойо материялни средства за пестованє и розвой култури Руснацох на другим боку нашо професионални Руснаци розруцию буджетски пенєжи наменєни шицким Руснацом и ище и иронично бешедую о КУД-ох и «кудизациї» (памфлет директора Заводу у новинох «Дневник» од  24. августа 2010. року). И на тото нїхто нє реаговал та анї оплювани «штредньошколци». На другим боку вон троши 100 тисячи динари мешачно на свою плацу и ище тельо на кирию. «правни консалтинг» и други нєобєктивни и нєпотреби трошки.
   Аматере и волонтере най робя, а зоз бзджету преплацена, самонаволана «елита» нам зоз Новосадских кафичох будзе сольиц розум як ми то требаме пестовац и розвивац руску културу и як ми то нє знаме и свою «роботу» буду оправдовац зоз организованьом трибинох и округлих столох типа «як квашени огурки уплївую на розум Руснацох. (очивисно же є поєдинцом уж нагрижени).

Штири роки сом ше трудзел и борел процив тих професеоналних Руснацох, алє сом нїч нє посцигну. Були  вони моцнєйши.

У таких опставинох у нашей рускей заєднїци я далєй нє можем и нє сцем робиц та давам задзекованє на мою функцию у нашим КПД «Дюра Киш». Моя активносц у друштве престава по законченю сяточного концерту з нагоди означованя 90 рочнїци КПД «Дяра Киш»

С почитованьом                                                     Юлиян Ковач

У Шиду, 13.09.2010.