З А П И С Н Ї К
Зоз II схадзки Вивершного одбору хтора отримана 25. марца 2009. року зоз початком на 20,00 годзин.
Присутни: Мирослав М. Цирба, Юлиян Ковач, Деян Бобаль, Мирко Папданко, Славко Цупер, Златко Манько.
Тиж присутни: Йоаким Рац Мими.
Дньови шор:
1. Орґанизацийни одбор за Фестивал
2. Актуални финансийни стан
3. Предклад же би ше анґажовал секретар Дружтва
4. Рижне
1. Орґанизацийни одбор за ФестивалСлавко Цупер – за свой ресор предклада екипу: Томислав Майхер, Йоаким Кечкеш, Вера Дупало и Славко Цупер.
Деян Бобаль – конобаре буду: Желько Надь, Бранислав Майхер, Срдян Сокол, Игор Надь, Владимир Девич, Слободан Кодермац и Деян Бобаль.
Мирко Папданко – кухар и кухарки: Дьордє Мудрич, Вера Трифунович, Биляна Болдиш, Лїляна Папданко.
Мирослав М. Цирба – познєйше утвердзиме чи будземе давац гонорари и у хторей суми.
Златко Манько – ище нє позберал екипу.
Юлиян Ковач – екипа за транспорт: Павле Чикарич, Славко Загорянски, Мирослав Бульчик, Юлиян Ковач и млади людзе. Пита чи послати допис до Општини Шид, о хторим зме розправяли на прешлей схадзки.
Мирослав М. Цирба и Славко Цупер – думаю же перше требац глєдац средства за фестивал, а после того отвориц проблематику финансованя КУД-ох.
Заключене же ше прилапюю предложени состави екипох, же ше цали орґанизацийни одбор повола познєйше кед будземе мац конкретни задатки, допис до Општини Шид доручиме кед перше ришиме средства за фестивал.2. Актуални финансийни станМирослав М. Цирба – виноши актуелни финансийни стан, зоз надпомнуцом же хвильково длуства Дружтва виноша коло 30.000 динари. Обчекуєме средства зоз АП Войводини – 80.000 динари за фестивал, и 45.000 динари од општини Шид, як урядови трансфер.
Йоаким Рац – тих дньох Национални совит Руснацох пошлє допис же би ше нашо дружтва вияшнєли цо маю од уметнїцкого инвентару. Гевто цо будзе урґентне ше будзе финансовац. Тоти трошки би требал финансовац Завод за културу войводянских Руснацох, бо за програмску активносц предвидзене 800.000 динари.
Мирослав М. Цирба – потребне пременїц систему финансованя култури у нашей општини.
Йоаким Рац – пояшнєл як тото ришене у кулянскей општини и наглашел же там постої културно-просвитна заєднїца, а средства ше розподзелюю спрам того хтора институция ношитель култури. Потребне же би ше КПД ''Дюра Киш'' виборел за статус ношителя рускей култури на подручу општини Шид.
3. Предклад же би ше анґажовал секретар ДружтваМирослав М. Цирба – обгрунтує чом нам потребни секретар. Предклада же би ше прейґ обвисценьох поволали нашо людзе же би ше явели за секретара, а Дружтво источашнє помогнє же би исти бул вибрани и за дописователя Руского слова за Срим.
Заключене же ше таке обвисценє подзелї по наших обисцох.4. РижнеМирослав М. Цирба- проблем же нє маме чловека хтори би водзел Уметнїцки совит, а тиж и Одбор за културно-просвитну дїялносц.
Златко Манько – бешедовал зоз Зораном Найдановичом коло того же би исти надпатрал проби фолклорней секциї и исти то и прилапел.
Мирослав М. Цирба – пояшнєл же цо робота Уметнїцкого совиту, а окреме наглашел же Уметнїцки совит треба же би обдумал комплетну уметнїцку часц роботи Дружтва и барз важне же хто будзе водзиц тот орґан. Тиж, ознова бешедовал о справованю новинарох руских медийох на подручу општини Шиду и наглашел потребу реакциї Дружтва.
Заключене же Славко Цупер будзе провадзиц ''Руски маґазин'' на Сримскей телевизиї, Мирко Папданко ''Руске слово'', а Мирослав М. Цирба емисию на руским язику на Радио Шиду.Закончене на 21,45 годзин.
