З А П И С Н Ї К
[/b]
Зоз I схадзки Вивершного одбору хтора отримана 19. марца 2009. року зоз початком на 19,00 годзин.
Присутни: Мирослав М. Цирба, Юлиян Ковач, Златко Манько, Владимир Девич, Деян Бобаль, Славко Цупер, Мирко Папданко, Саня Тиркайло.
Тиж присутни: Игор Надь и Мирон Джуджар.
Дньови шор:
1. Формованє Организацийного одбору за Фестивал
2. Пририхтованє за наступ на општинскей смотри фолклору и привит госцох зоз Дюрдьова
3. Спортска секция
4. Формованє секциї у Бачинцох
5. Рижне
1. Формованє Организацийного одбору за ФестивалЮлиян Ковач – обгрунтовал идею коло формованя Орґанизацийного одбору за Фестивал, зоз надпомнуцом же пририхтованє Фестивала векша робота до хторей ше муши уключиц ширши круґ людзох.
Мирослав М. Цирба – дума же перше требаме почац глєдац спонзорох, односно ришовац финансийну часц Фестивалу, информує же зме достали предлоґ Матки коло контракту и тим будземе розправяц на заєднїцкей схадзки зоз представнїками Матки, хтора будзе отримана 20. марца 2009. року. Маме два солуциї – або вибудовац лєтню бину, або направиц монтажно-демонтажну бину. Тиж, по тераз зме нє достали одвит од Церкви коло будованя бини, алє кед вибереме монтажну бину, вец нам у тим смислу нє потребне дошлєбодзенє од Церкви. Дума же награди фахового жирия муша будз ориґинални малюнки.
Юлиян Ковач – предклада же би ше першенствено средства глєдали од општини и месней заєднїци, нє можеме будовац бину, алє можеме направиц монтажну бину.
Славко Цупер – склада ше же би як награди требали будз ориґинални малюнки.
Мирон Джуджар – монтажна бина, сеґментована, зоз димензиями 12 х 10 метери, без дескох, би виношела коло 2000 еври. Предклада же би ше перше поробела минимална вариянта, а вец бину, з часом, прешорйовац.
Юлиян Ковач – предклада же би зме перше ишли на димензиї 10 х 8 метери.
Златко Манько – склада ше же потребна векша бина и же би димензиї були векши як цо монтажна бина хтору ма КОЦ.
Юлиян Ковач- предложел допис хтори состойна часц того записнїку. Треба же би ше на розгварку зоз општину Шид приявели и други КУД-и и потребне пойсц до владики и побешедовац зоз владиком же би и Церква участвовала у правеню бини.
У розправи, Вивершни одбор начално розпатрел предлоги хтори нам доручела Матка коло контракту и заключел же на схадзку, хтора порадзена зоз представнїками Матки наютре на 17,00 годзин, приду и члени Вивершного одбору.
Мирослав М. Цирба- предложел свою визию Фестивала у будучносци: Фестивал понад шицкого треба же би мал едукативну улогу, же би ше наша публика упознала зоз писнями цалого нашого народу, же би каждого року Фестивал бул пошвецени єдней обласци у хторей жию Руснаци и у тим смислу би шицки оркестри достали задаток же би научели грац лєм писнї зоз тей обласци.
Мирон Джуджар – склада ше зоз таку визию и дума же требаме затримац ориґинални малюнки як награди.
Славко Цупер – треба обеспечиц место у случаю дижджа.
Заключене же ше порихта сала КОЦ-а у случаю подлей хвилї.
Мирон Джуджар- предклада формованє Орґанизацийного одбору за Фестивал, Вивершни одбор начално утвердзи Фестивал, а Организацийни одбор би бул у ширшим составе.
Славко Цупер – кажди член треба же би водзел по єдну комисию.
Заключене же Организацийни одбор будзе подзелєни по ресорох – комисийох, а буду их водзиц:
- Владимир Девич – за медиї
- Деян Бобаль – конобаре, орґанизация вечери, послугованє
- Мирко Папданко – пририхтованє вечери и коктела
- Саня Тиркайло – конферанса и програма
- Юлиян Ковач – транспорт
- Златко Манько и Мирон Джуджар – монтированє бини
- Славко Цупер – туристична орґанизация и промоция Фестивалу
- Мирослав М. Цирба – координация шицких ресорох
Цена єдней уходнїци будзе 100 динари.
Идуца схадзка Орґанизацийного одбору будзе на стреду 25. марца 2009. року зоз початком на 20,00 годзин.
2. Пририхтованє за наступ на општинскей смотри фолклору и привит госцох зоз ДюрдьоваРишена превозка дзецох зоз Бикичу до Шиду, зоз Беркасова буду исц два авта и єден зоз Шиду ( Мирко Папданко ).
Представа ''Слуга двох панох'' КУД-а ''Тарас Шевченко'' зоз Дюрдьова будзе на соботу 21. марца 2009. року зоз початком на 19,00 годзин, вечеру набавиме у СЗР ''Липич'', за цо будзе задлужени Мирослав М. Цирба, Юлиян Ковач обеспечи вино, а наютре на 17,45 годзин ше идзе до Юлияна Ковача по ТА пец хтору положиме до пиньвици. Светла Миклош пошори и пиньвицу.
3. Спортска секцияВладимир Девич- информує о схадзки Орґанизацийного одбору спортских бавискох ''Яша Баков''. Ми вежнєме орґанизацию шаховского турниру за сениорох. Було би добре кед би зме формовали шаховску секцию. Бешедовал зоз Владимиром Щуроком, хтори би могол водзиц тоту секцию. Раз тижньово би було зберанє. Могли би зме формовац и секцию за столни тенис, а могли би ю водзиц Владимир Девич и Михаел Говля.
Мирослав М. Цирба- предклада же би зме купели шаховски табли и одредзели 1 дзень за роботу секциї. Орґанизовац и шаховски стретнуца и то точни термини.
Юлиян Ковач- нє потребне вецей од 2 – 3 табли. Бавиц отворене першенство.
Мирон Джуджар – бешедовац зоз шахистами хтори би водзели секцию.
Златко Манько- права тема. Потребне направиц розпорядок роботи секцийох, же би зме нє направели хаос. Потребне побешедовац зоз учительку же кеди вона будзе тримац годзини.
Заключеня:
- роспорядок пробох поробя: Златко Манько ( оркестер ), Мирослав М. Цирба ( руски язик и жридлова ґрупа ), Владимир Девич ( шах ), Деян Бобаль ( Бикич ) и Игор Надь ( Бачинци )
- маме єден стол за столни тенис у Дружтве и треба го оправиц
- у Бикичу єст два таки столи
- потребне паралелно робиц на формованю подобних секцийох и по наших местох
- шах и столни тенис буду исти дзень
4. Формованє секциї у БачинцохМирослав М. Цирба – обгрунтовал идею: дума же потребне перше формовац секциї у Бачинцох, а по тим месни одбор.
Игор Надь – дума же перше треба формовац месни одбор у Бачинцох, а вец секциї.
Заключене: Игор Надь єдногласно вибрани за довирнїка за формованє Месного одбору у Бачинцох. Период за пририхтованє будзе 15 днї.
Закончене на 22,00 годзин.
