З А П И С Н Ї К
Зоз урядовей, рочней схадзки Скупштини Дружтва хтора отримана 15. марца 2009. року зоз початком на 15,00 годзин.
Присутни 32 члени и то: Мирослав М. Цирба, Слободан Кодермац, Златко Манько, Вера Трифунович, Мирослав Папданко, Мирон Джуджар, Наташа Папданко, Наташа Цирба, Юлиян Ковач, Владимир Дїтко, Ивана Сечевич, Зденко Лазор, Деян Бобаль, Михаел Говля, Златка Сивч – Здравич, Светлана Миклош, Славко Цупер, Мария Петрович, Владимир Говля, Желько Надь, Владимир Девич, Невенка Бобаль, Желька Лазор, Евґения Сорочко, Гелена Провчи, Янко Гнатко, Венямин Бульчик, Маґдалена Ганьто, Юлиян Сорочко, Дюра Ждиняк, Славко Загорянски, Єлка Гнатко.
Скупштина єдногласно прилапела же би записнїк водзел Славко Цупер.
Мирон Джуджар – отворел схадзку Скупштини, привитал присутних, обгрунтовал по хторей системи ше одредзую члени Скупштини и предложел дньови шор.
Мирослав М. Цирба – предложел и 5. точку под назву ''Пременки у Вивершним одбору''.
Скупштина єдногласно прилапела предложени дньови шор зоз 5. точку и так утвердзела шлїдуюци:
Дньови шор:
1. Розпатранє Финансийного звиту за 2008. рок
2. Розпатранє Звиту о роботи Дружтва за 2008. рок
3. Розпатранє Плана роботи за 2009. рок
4. Розпатранє Финансийного плану за 2009. рок
5. Пременки у Вивершним одборе
6. Рижне
1. Розпатранє Финансийного звиту за 2008. рокМирослав М. Цирба – обгрунтовал Финансийни звит за 2008. рок.
Владимир Говля – наглашел же по першираз маме подробни финансийни звит и поздравел то.
Златко Манько – пита цо значи ставка ''Опрема и кадри''.
Мирослав М. Цирба – обгрунтовал же то вкупни укладаня до опреми, як цо и наведзене у звиту, алє и до кадрох, понеже зме двох наших членох посилали на семинар фолклористики.
Финансийни звит за 2008. рок єдногласно прилапени и состойна є часц того записнїку.
2. Розпатранє Звиту о роботи Дружтва за 2008. рокМирослав М. Цирба – поднєсол Звит о роботи Дружтва за 2008. рок зоз допольнєньом же зме у 2008. року формовали и Месни одбор у Бикичу, а остава же би зме то поробели и у Беркасове и Бачинцох.
Деян Бобаль – Месни одбор у Бикичу добре робел и то кельо ше могло, у хвильки кед нє було потримовки з боку Месней управи Бикич.
Владимир Говля – пита же як придземе до средствох за зогриванє.
Мирослав М. Цирба – од Општини Шид зме глєдали милион динари, алє зме нє достали телї пенєж. КОЦ у Шиду достава 23 милиони динари, а нашо Дружтво за тот рок лєм 180.000 динари, цо нєправедне. Шицки КУД-и у нашей општини у подобней ситуациї.
Юлиян Ковач – Дружтво конкуровало за средства до Покраїни. Уж даскельо роки нам же зменшую дотациї зоз буджету општини, а КОЦ-у звекшане за аж 3 раз.
Владимир Говля – пита чи би нашо дзеци могли наступац у иножемстве.
Мирослав М. Цирба – дума же того року можеме орґанизовац одход до иножемства, гоч проблем же наша фолклорна секция ище нє на таким уровню же би була прави репрезент, алє то хвильково нє таке битне, бо важне одвесц дзеци и показац им други жеми.
Мирон Джуджар – критикує же спортска и драмска секция нє були активни.
Невенка Бобаль – кажди хто ше прия даякей роботи муши то и одробиц. У Бикичу єст досц активносцох.
Маґдалена Ганьто – бешедовала о шпивацкей ґрупи и наглашела же нє маю фаховца хтори з нїма будзе робиц.
Звит о роботи Дружтва за 2008. рок єдногласно прилапени, зоз допольнєньом за формованє и роботу Месного одбору Дружтва у Бикичу, и исти є состойна часц того записнїку.
3. Розпатранє Плана роботи за 2009. рокМирослав М. Цирба – обгрунтовал План роботи Дружтва за 2009. рок. Дума же Дружтва муши мац занятого секретара. Силвия Сокол сце и добре роби у Бикичу, а потребне формовац и Месни одбор у Беркасове и Бачинцох.
Скупштина прилапела же би Невенка Бобаль превжала водзенє шпивацкей ґрупи, алє остало же би ше о тим ище порадзело и зоз Евґению Данчо. Тиж заключене, же потребне же би просвитни роботнїки требали зазберовац дзеци, окреме за роботу драмскей секциї.
Мирослав М. Цирба – виноши план за кажду секцию.
Юлиян Ковач – предклада же би ше и у Беркасове отримал концерт.
Мирослав Папданко – потримує предлоґ.
Скупштина єдногласно прилапела предлоґ же би до плану роботи за 2009. рок вошол и концерт у Беркасове. Тиж, прилапене и же би до Плану вошло и ''Валянє Мая'' у Бикичу.
Невенка Бобаль – предложела же би Шпивацка ґрупа наступала на тогорочней Червеней ружи.
Златко Манько – предклада же би зме купели контрабас.
Скупштина єдногласно прилапела План роботи Дружтва за 2009. рок зоз допольнєньом, и исти состойна часц того записнїку.
4. Розпатранє Финансийного плану за 2009. рокМирослав М. Цирба – обгрунтовал Финансијни план за 2009. рок и надпомнул же потребне же би зме мали и плаценого секретара, понеже вон њема тељо часу же би робел шицки роботи.
Скупштина єдногласно прилапела Финансийни план за 2009. рок и исти состойна часц того записнїку.
5. Пременки у Вивершним одбореМирослав М. Цирба – информовал же Владимир Джуня, пре особни обовязки, понеже роби у Новим Саду, нє може кончиц длужносц члена Вивершного одбору.
Подобне – же може кончиц роботу члена Вивершного одбору – на самей схадзки виявел и Юлиян Сорочко, та дал задзекованє.
Мирослав М. Цирба – предклада же би ше до Вивершного одбору вибрали: Славко Цупер, Мирослав Папданко або Владимир Девич.
Слободан Кодермац – дава задзекованє на место члена Вивершного одбору.
Понеже єст три шлєбодни места у Вивершним одбору, а Дїловнїк о роботи Скупштини предвидзує же у случаю кед єст исте число кандидатох кельо ше вибера, вец виберанє явне, зоз дзвиганьом руки,
Скупштина єдногласно, место Владимира Джунї, Юлияна Сорочка и Слободана Кодермаца, вибрала Славка Цупера, Мирослава Папданка и Владимира Девича за членох Вивершного одбору.6. РижнеСкупштина розправяла у вязи шветового конґресу Руснацох, хтори будзе отримани у юнию того року у Руским Керестуре, а Скупштина овласцела Вивершни одбор же би меновал делеґацию на тот конґрес, кед достанєме поволанку.
Славко Загорянски – винєсол проблем же му за тогорочну ''Ружову заградку'' нє вибрана писня и виражел став же руководзаци людзе тей манифестациї нароком одруцую шицко цо приходзи зоз Шиду.
Мирослав М. Цирба – о тим проблему свой став винєше Вивершни одбор, кед позбера потребни информациї.
Закончене на 17,30 годзин.
[/font] [/font]
